விவசாய விளைப்பொருட்கள்

சர்வதேச சந்தையில் கச்சா எண்ணெய் விலை வெகுவாக குறைந்துள்ளது. ஆனால் உள்நாட்டில் வரிகளை உயர்த்தி இருப்பதால் பெட்ரோல்-டீசல் விலை சாமானிய மக்கள் பயன்படுத்த முடியாத அளவிக்கு மத்திய அரசு அதிகரித்துள்ளது.

இவ்வாறு ராமலிங்கரெட்டி பேசினார்.

காங்கிரஸ் செயல் தலைவர் ஈஸ்வர் கன்ட்ரே பேசும்போது, "பிரதமர் மோடி, அதானி, அம்பானியின் நலனுக்காக பாடுபடுகிறார். இதனால் 130 கோடி மக்களின் வாழ்க்கையை பாழ்படுத்திவிட்டார்.

டெல்லியில் விவசாயிகள் கடந்த 75 நாட்களாக விவசாயிகள் போராடி வருகிறார்கள். பலர் இறந்துவிட்டனர். ஆனால் அவர்களின் கோரிக்கைகளை நிறைவேற்றாமல் மத்திய அரசு அலட்சியமாக செயல்படுகிறது. விவசாய விளைப்பொருட்கள் விலையும் குறைந்துவிட்டது" என்றார்.

சகித்துக்கொள்ள முடியாது

மாநில காங்கிரஸ் முன்னாள் தலைவர் தினேஷ் குண்டுராவ் பேசுகையில், "பிரதமர் மோடி ஹிட்லரை விட மோசமாக செயல்படுகிறார். அவரை நீண்ட காலம் நம்மால் சகித்துக்கொள்ள முடியாது. அவரை அனைவரும் ஒன்று சேர்ந்து விரட்டியடிக்க வேண்டும்" என்றார்.

இந்த ஆர்ப்பாட்டத்தில், முன்னாள் மந்திரிகள் கிருஷ்ண பைரேகவுடா, எச்.எம்.ரேவண்ணா உள்பட பலர் கலந்து கொண்டனர். இந்த ஆர்ப்பாட்டத்தால் அசம்பாவித சம்பவங்கள் நிகழ்வதை தடுக்க அங்கு அதிக எண்ணிக்கையில் போலீசார் பாதுகாப்பு பணியில் ஈடுபடுத்தப்பட்டனர். ஆர்ப்பாட்டக்காரர்களை கட்டுப்படுத்தும் பணியில் ஈடுபட்டிருந்தபோது, போலீசாருக்கும், மகளிர் காங்கிரசாருக்கும் லேசான வாக்குவாதம் நடந்தது. மேலும் போராட்டம் நடந்த பகுதியில் போக்குவரத்து கடுமையாக பாதிக்கப்பட்டது. இதனால் வாகன ஓட்டிகள் அவதிக்குள்ளாகினார்கள்.