புதுடெல்லி,
நாடாளுமன்ற மாநிலங்களவையில் கேள்வி நேரத்தில், தமிழ்நாட்டில் திருமழிசையை புதிய நகராக மேம்படுத்தும் திட்டம் ஆய்வில் இருப்பதாக தெரிவிக்கப்பட்டது. இதுதொடர்பாக மத்திய வீட்டு வசதி மற்றும் நகர்ப்புற விவகாரத்துறை மந்திரி கவுசல் கிஷோர் கூறியதாவது:-
நகர்ப்புறங்களை விரிவாக்கம் செய்ய வேண்டிய தேவைக்காக புதிய நகரங்களை உருவாக்க திட்டமிடப்பட்டுள்ளது. இதற்காக மாநில அரசுகள் கோரிக்கைகள் அளிக்க கடந்த ஜனவரி 20-ந் தேதிவரை கால அவகாசம் அளிக்கப்பட்டது.
21 மாநிலங்களிடம் இருந்து 26 நகரங்களை புதிய நகரங்களாக மேம்படுத்தும் கோரிக்கைகள் வரப்பெற்றன. அவை மத்திய அரசின் ஆய்வில் இருக்கின்றன. இவற்றில், உத்தரபிரதேசத்தில் அயோத்தி, தமிழ்நாட்டில் திருமழிசை ஆகியவையும் அடங்கும்.
இவ்வாறு அவர் கூறினார்.