கர்நாடகாவின் பெல்தங்காடி தொகுதி எம்.எல்.ஏ.வாக இருப்பவர் ஹரீஷ் பூஞ்சா. இவருக்கு லேசான காய்ச்சல் இருந்துள்ளது. இதனால் அவர் நேற்று கொரோனா பரிசோதனை செய்துள்ளார்.

இந்நிலையில், அதன் முடிவுகள் இன்று வெளிவந்தன. இதில், பூஞ்சாவுக்கு கொரோனா தொற்று இருப்பது உறுதி செய்யப்பட்டு உள்ளது. இதுபற்றி டுவிட்டரில் அவர் வெளியிட்டுள்ள செய்தியில், எனக்கு வேறு எந்த அறிகுறிகளும் இல்லை. அதனால், வீட்டில் இருந்தபடியே நான் சிகிச்சை பெற்று வருகிறேன் என தெரிவித்து உள்ளார். சமீபத்தில் பெங்களூருவில் முதல் மந்திரி எடியூரப்பாவை பூஞ்சா தொடர்பு கொண்டுள்ளார்.