நாடாளுமன்ற கூட்டத்தொடரின்போது நேற்று மக்களவையில் 2021-22-ம் ஆண்டுக்கான சுகாதார மற்றும் குடும்ப நல அமைச்சகத்தின் கட்டுப்பாட்டில் உள்ள மானியங்களுக்கான கோரிக்கைகள் குறித்து விவாதம் நடந்தது.

அப்போது காங்கிரஸ் கட்சியின் உறுப்பினர் மணீஷ் திவாரி மத்திய அரசு தனது சொந்த மக்களுக்கு தடுப்பூசி போடுவதற்கு பதிலாக கொரோனா தடுப்பூசிகளை ஏற்றுமதி செய்வதில் அதிகம் கவனம் செலுத்துகிறது என குற்றம் சாட்டினார். இந்தியாவின் ஒட்டுமொத்த மக்கள் தொகையில் 0.045 சதவீத மக்களுக்கு மட்டுமே தடுப்பூசி போடப்பட்டுள்ளன என்றும் அதே நேரத்தில் 5 கோடிக்கும் அதிகமான தடுப்பூசிகள் ஏற்றுமதி செய்யப்பட்டுள்ளன என்றும் அவர் கூறினார்.