கொரோனாவுக்கு பிந்தைய உலகில் சைக்கிள் ஓட்டுதல் என்ற தலைப்பில் சர்வதேச ஆன்லைன் கருத்தரங்கு ஒன்று நேற்று நடந்தது. இதில் துணை ஜனாதிபதி வெங்கையா நாயுடு மெய்நிகர் முறையில் முக்கிய உரை நிகழ்த்தினார்.

அதில் உடல் ஆரோக்கியத்திற்கும், சுற்றுச் சூழல் பாதுகாப்பிற்கும் ஏற்ற சைக்கிள் சவாரியை ஊக்குவிக்க, மாநில அரசுகள் நடவடிக்கை எடுக்க வேண்டும் என்று தெரிவித்தார். இது தொடர்பாக அவர் மேலும் கூறுகையில், கொரோனா தொற்று நமது வாழ்கை முறை, வாங்கும் திறன், நேரத்தை பயன்படுத்துதல், பயணம் போன்றவற்றை மாற்றியிருக்கிறது. அதேநேரம் நகர்ப்புற பயண திட்டத்தில் சைக்கிள் ஓட்டுவதை ஒருங்கிணைப்பதற்கான ஒரு அரிதான வாய்ப்பையும் வழங்கி இருக்கிறது.