பெங்களூரு மின்சார வினியோக நிறுவனம்(பெஸ்காம்) பெங்களூரு உள்பட அதனை சுற்றியுள்ள 8 மாவட்டங்களில் மின் வினியோகம் செய்து வருகிறது. பெஸ்காம் சார்பில் ஒவ்வொரு மாதமும் 3-வது சனிக்கிழமை மின் குறைதீர்வு முகாம் நடத்தப்படுகிறது. அதன்படி இன்று(சனிக்கிழமை) 3-வது சனிக்கிழமை என்பதால், இன்றைய தினம் 87 கிராமங்களில் மின் குறைதீர்வு முகாம் நடத்தப்படுகிறது. இதுவரை மொத்தம் 5 முறை மின் குறைதீர்வு முகாம்கள் நடத்தப்பட்டுள்ளன. இந்த முகாம்களில் மின் நுகர்வோரின் பிரச்சினைகளுக்கு அதே இடத்தில் தீர்வு காணப்பட்டுள்ளது. மேலும் பெஸ்காம் சார்பில் அமல்படுத்தப்படும் திட்டங்கள் குறித்து மின் நுகர்வோர் இடையே விழிப்புணர்வு ஏற்படுத்தப்படுகிறது.