பாராளுமன்றத்தில் பூஜ்ய நேரத்தில் காங்கிரஸ் தலைவர் மல்லிகார்ஜூன கார்கே மற்றும் எதிர்க்கட்சிகளை சேர்ந்த எம்.பி.க்கள் பசுபாதுகாவலர்கள் என்ற பெயரில் முஸ்லிம்கள் மற்றும் தலித்துகள் மீது நடத்தப்படும் தாக்குதல்கள் குறித்து பேச அனுமதிக்கவேண்டும் என்று கோரிக்கை விடுத்தனர். இவ்விவகாரம் தொடர்பாக அமளி ஏற்பட்டதை தொடர்ந்து சபாநாயகர் சுமித்ரா மகாஜனை நோக்கி காகிதங்களை கிழித்து வீசினர் காங்கிரஸ் உறுப்பினர்கள்.

இதனையடுத்து சபாநாயகரின் கண்ணியத்தை குறைத்து மதிப்பிடும் விதமாக நடந்ததாக காங்கிரஸ் எம்.பி.க்கள், கவுரவ் கோகாய், கே.சுரேஷ், ஆதிர் ராஜன் சவுத்ரி, ரஞ்சித் ரஞ்சன், சுஷ்மிதா தேவ், எம்.கே.ராகவன் ஆகிய 6 பேரையும் 5 நாட்கள் இடை நீக்கம் செய்வதாக சுமித்ரா மகாஜன் அறிவித்தார்.