புதுடெல்லி,
டெல்லியில் கொரோனா பாதிப்புகள் குறைந்த நிலையில், கடந்த 1ந்தேதி முதல் பள்ளிகளை திறக்க அரசு முடிவு செய்தது. இதன்படி, 9 முதல் 12 வரையிலான வகுப்புகள், கல்லூரிகள் மற்றும் பயிற்சி நிலையங்கள் தொடங்கப்படும் என அறிவிப்பு வெளியானது.
எனினும், வகுப்புகளுக்கு மாணவர்கள் வருவது பற்றி பெற்றோரின் ஒப்புதல் கட்டாயம் என்றும், மாணவர்களை வரும்படி கட்டாயப்படுத்தவில்லை என்றும் தெரிவித்தது.
இந்த நிலையில், டெல்லியில் முதல்-மந்திரி கெஜ்ரிவால் வீட்டின் முன் திரண்ட பெற்றோர் மற்றும் ஆசிரியர்கள் அடங்கிய குழு ஒன்று, தொடக்க பள்ளிகள் மற்றும் 6 முதல் 8 வரையிலான வகுப்புகளை திறக்க வேண்டும் என கோரி போராட்டத்தில் ஈடுபட்டனர்.