மும்பையை தலைமையிடமாக கொண்டு, கீதாஞ்சலி என்ற வைர விற்பனை செய்யும் நிறுவனத்தை நடத்தி வந்தவர் மெகுல் சோக்சி (வயது 62). இவரும், இவருடைய உறவினர் நிரவ் மோடியும் சேர்ந்து, பொதுத்துறை வங்கியான பஞ்சாப் நேஷனல் வங்கியிடம் முறைகேடாக பெறப்பட்ட கடன் உத்தரவாத கடிதங்களை பயன்படுத்தி ரூ.13 ஆயிரத்து 500 கோடி கடன் பெற்று மோசடி செய்தனர். இந்த மோசடி அம்பலமானவுடன், நிரவ் மோடி லண்டனுக்கு தப்பிச் சென்றார். அங்கு கைது செய்யப்பட்ட அவரை இந்தியாவுக்கு நாடு கடத்த கோர்ட்டு உத்தரவிட்டுள்ளது.அதுபோல், மெகுல் சோக்சி, 2018-ம் ஆண்டு ஜனவரி மாதம், கரீபியன் தீவு நாடான ஆன்டிகுவாவுக்கு தப்பிச்சென்றார். அந்நாட்டின் குடியுரிமையையும் பெற்றுள்ளார். அவரை இந்தியாவிடம் ஒப்படைக்குமாறு சி.பி.ஐ. கோரி வருகிறது.

காணவில்லை