பெட்ரோல்-டீசல் விலை உயர்வை கட்டுப்படுத்த மாநிலங்கள் வாட் வரியை குறைக்க வேண்டும் என பிரதமர் மோடி நேற்று கேட்டுக்கொண்டார். இதற்கு காங்கிரஸ் கட்சி கடும் கண்டனம் தெரிவித்தது.

இந்த நிலையில் நாட்டில் எதிர்க்கட்சிகள் ஆளும் மாநிலங்களிலேயே பெட்ரோல்-டீசல் விலை அதிகமாக இருப்பதாக பா.ஜனதா குற்றம் சாட்டியுள்ளது. அந்தவகையில் பெட்ரோல்-டீசல் விலை அதிகமாக இருக்கும் 10 மாநிலங்களில் 8-ல் எதிர்க்கட்சிகளே ஆட்சியில் இருப்பதாக கூறியுள்ளது. இதைப்போல பெட்ரோல்-டீசல் விலை உயர்வுக்கு மோடி அரசுதான் காரணம் என்ற எதிர்க்கட்சிகளின் குற்றச்சாட்டையும் நிராகரித்து உள்ளது. வளர்ந்த நாடுகளை விட இந்தியாவில் பெட்ரோல்-டீசல் விலை குறைவாகவே இருப்பதாகவும் தெரிவித்து உள்ளன.