அப்போது திடீரென அந்த குச்சிகள் பயங்கர சத்தத்துடன் வெடித்து சிதறின. இதனால் அந்த இடம் முழுவதுமே குலுங்கியது. அந்த வாகனம் முழுவதும் உருக்குலைந்து அப்பளம் போல நொறுங்கியது. இந்த சம்பவத்தின்போது அங்கிருந்த தொழிலாளர்கள் பல அடி தூரத்துக்கு தூக்கி வீசப்பட்டனர். இதில் 10 பேர் உடல் சிதறி பலியாகினர். இதில் பலரது உடல்கள் உருத்தெரியாமல் உருக்குலைந்ததுடன், உடல் பாகங்கள் பல மீட்டர் தூரத்துக்கு சிதறியும் கிடந்தன.இந்த பயங்கர வெடி விபத்தில் மேலும் 2 பேர் படுகாயம் அடைந்தனர். அவர்களுக்கு அருகில் உள்ள ஆஸ்பத்திரியில் தீவிர சிகிச்சை அளிக்கப்பட்டு வருகிறது.