காங்கிரஸ் மூத்த தலைவரும், டெல்லி முன்னாள் முதல்-அமைச்சருமான ஷீலாதீட்சித் ( 81) காலமானார். ஷீலா தீட்சித் 1998 ஆம் ஆண்டு முதல் 2013 வரை தொடர்ந்து 15 ஆண்டுகள் டெல்லியின் முதலமைச்சராக பதவி வகித்தவர் ஆவார்.

ஷீலா தீட்சித் மார்ச் 2014 முதல் ஆகஸ்ட் 2014 வரை கேரள மாநில ஆளுநராகப் பதவி வகித்தார். தற்போது இவர் டெல்லி மாநில காங்கிரஸ் கமிட்டியின் தலைவராக இருந்தார். சமீபத்தில் நடந்த பாராளுமன்ற தேர்தலில் வடகிழக்கு டெல்லியில் போட்டியிட்டு தோல்வி அடைந்தார்.