பெட்ரோல், டீசல் விலையை எண்ணைய் நிறுவனங்கள் தினமும் நிர்ணையித்துக்கொள்ளலாம் என்ற அறிவிப்பு கடந்த சில மாதங்களுக்கு முன் வெளியானது. இதன்பிறகு பெட்ரோல், டீசல் விலை தினமும் மாற்றியமைக்கப்பட்டது. கடந்த சில தினங்களாக பெட்ரோல்,டீசல் விலை தினமும் ஏறுமுகமாகவே இருந்தது. இதற்கு அரசியல்கட்சி தலைவர்கள் கண்டனம் தெரிவித்தனர். அதேபோல், சமூக வலைதளங்களிலும் விமர்சனம் முன்வைக்கப்பட்டது.

இத்தகைய சூழலில், எரிபொருட்களின் விலை தற்போது குறைய துவங்கி இருப்பதாக பெட்ரோலியத்துறை மந்திரி தர்மேந்திர பிரதான் தெரிவித்துள்ளார். குஜராத் மாநிலம் அகமதாபாத்தில் செய்தியாளர்களுக்கு பேட்டி அளித்த பெட்ரோலிய துறை மந்திரி தர்மேந்திர பிரதான் கூறியதாவது:- எரிபொருள்களின் விலை குறைய துவங்கியுள்ளது. கடந்த இரு தினங்களாக பெட்ரோல் விலை குறைந்து வருகிறது.