கடந்த நிதிஆண்டின் (2021-2022) ஜனவரி முதல் மார்ச் மாதம் வரையிலான 4-வது காலாண்டில் இந்தியாவின் மொத்த உள்நாட்டு உற்பத்தி 4.1 சதவீதமாக இருந்தது. இது முந்தைய காலாண்டுடன் (5.4 சதவீதம்) ஒப்பிடுகையில் குறைவாக உள்ளது. ஒமைக்ரான் வைரஸ் பரவல் காரணமாக, 3-வது அலை வீசியதால், ஏராளமான கட்டுப்பாடுகள் விதிக்கப்பட்டு இருந்தன. அதுதான் மொத்த உள்நாட்டு உற்பத்தி குறைந்ததற்கு காரணமாக கருதப்படுகிறது.

முந்தைய 2020-2021 நிதிஆண்டின் மொத்த உள்நாட்டு உற்பத்தி 6.6 சதவீதம் வீழ்ச்சி அடைந்திருந்தது. அதனுடன் ஒப்பிடுகையில், 2021-2022 நிதிஆண்டில் மொத்த உள்நாட்டு உற்பத்தி 8.7 சதவீதமாக வளர்ச்சி அடைந்துள்ளது.