முன்னதாக கொரோனா பரவலை தடுக்கும் வகையில் கடந்த மே 9ஆம் தேதி முதல் மே 23ஆம் தேதி வரை ஊரடங்கு உத்தரவு பிறக்கப்பட்டிருந்தது. இதனைத்தொடர்ந்து கொரோனா பாதிப்பை கட்டுக்குள் கொண்டு வரும் வகையில் மே 31ஆம் தேதி வரை கொரோனா கட்டுப்பாடுகள் நீட்டிக்கப்பட்டது.

இந்தசூழலில் ஊரடங்கு கட்டுப்பாடுகளை நீட்டித்து கோவா முதல்-மந்திரி பிரமோத் சாவந்த் இன்று உத்தரவிட்டுள்ளார். இதன்படி ஏற்கனவே அறிவித்தபடி, காலை 7 மணி முதல் பிற்பகல் 1 மணி வரை அத்தியாவசிய கடைகள் திறந்திருக்கும். உணவகங்கள், ஹோட்டல்களில் காலை 7 மணி முதல் இரவு 7 மணி வரை பார்சல் சேவைக்கு மட்டும் அனுமதி அளிக்கப்பட்டுள்ளது

பொதுமக்கள் தேவையின்றி வெளியில் சுற்றுவதை தவிர்க்க வேண்டும். அத்தியாவசிய தேவைகளுக்கு செல்லும் போது முகக்கவசம், போதிய சமூக இடைவெளி விட வேண்டும் என்று அறிவுறுத்தப்பட்டுள்ளது. கொரோனா தடுப்பு நடவடிக்கையாக தடுப்பூசி போட்டுக் கொள்ள அனைவரும் முன்வர வேண்டும் என்றும் வலியுறுத்தப்பட்டுள்ளது.