கொரோனா வைரஸ் தொற்றுக்கு எதிராக இந்தியாவில் முன்கள பணியாளர்களுக்கும், சுகாதார பணியாளர்களுக்கும், நாள்பட்ட நோயுடன் போராடுகிற 60 வயதுக்கு மேற்பட்ட முதியோர்களுக்கும் முன்எச்சரிக்கை டோஸ் என்ற பெயரில் பூஸ்டர் டோஸ் தடுப்பூசி போடப்படுகிறது.

இந்த நிலையில், கோவேக்சின் தடுப்பூசியை 2-வது டோஸ் செலுத்தி, 6 மாதங்களுக்கு பின்னர் பூஸ்டர் டோஸ் தடுப்பூசியாக செலுத்திக்கொள்கிறபோது, அது ஒமைக்ரான் மற்றும் டெல்டா வகை உருமாறிய கொரோனா வைரஸ்களுக்கு எதிராக நல்ல பலன் அளிக்கிறது என்று அமெரிக்காவின் ஜார்ஜியா மாகாணத்தில் உள்ள எமோரி பல்கலைக்கழகத்தில் மேற்கொள்ளப்பட்ட ஆய்வில் தெரிய வந்துள்ளது.