இந்த சுற்றுப்பயணத்தில் இந்திய சமூகத்தின் முக்கிய நபர் ஒருவர் நடத்தி வரும் மருந்து நிறுவனத்திற்கும் அவர் சென்று உள்ளார். தொடர்ந்து அவர் இன்று வெளியிட்ட செய்தியில், மபுடோ நகரில் உள்ள சிவாலயத்தில் சாமி தரிசனம் மேற்கொண்டேன்.

இதேபோன்று, ஸ்ரீராமசந்திராஜிக்கு அர்ப்பணிக்கப்பட்ட நூற்றாண்டுகள் பழமை வாய்ந்த சாலமன்கா கோவிலுக்கும் சென்றேன். இந்த பயணம், 7 ஆண்டுகளுக்கு பின்னர் எனக்கு தனிப்பட்ட முறையில் அமைந்திருந்தது என தெரிவித்து உள்ளார்.

மேட் இன் இந்தியா ரெயிலில் பயணித்தேன். அந்த ரெயில் சிறப்பாக இருந்தது. உண்மையில், உள்ளூர் மக்களுக்கு தேவையானவற்றை பூர்த்தி செய்யும் வகையில் நன்றாக இருந்தது.

அந்நாட்டு மக்கள் அதனை எளிதில் அணுகும் வகையிலும், பயண செலவும் மக்களுக்கு கட்டுப்படும் வகையிலும் அமைந்திருந்தது. இந்த நட்புறவில் இரு நாடுகளும் உண்மையில் நல்ல முறையில் செயல்படுகின்றன என நான் நினைக்கிறேன் என அவர் தெரிவித்து உள்ளார்.