தார்வார் மாவட்டம் குந்துகோல் தாலுகா நேருநகரை சேர்ந்தவர் உம்னே சைனாப் ஷேக். இவருக்கு கடந்த ஒரு மாதத்திற்கு முன்பு பெண் குழந்தை பிறந்தது. இதையடுத்து கடந்த சில நாட்களுக்கு முன்பு குழந்தைக்கு உடல்நலக்குறைவு ஏற்பட்டுள்ளது. இதைதொடர்ந்து உம்னே சைனாப் ஷேக், குழந்தையை சிகிச்சைக்காக உப்பள்ளி கிம்ஸ் ஆஸ்பத்திரியில் சேர்த்தார்.

அப்போது குழந்தையை, தாயான உம்னே சைனாப் ஷேக் கழிவறை ஜன்னல் வழியாக வீசிவிட்டு காணாமல் போனதாக நாடகமாடியுள்ளார். சில தினங்களில் குழந்தை கிம்ஸ் ஆஸ்பத்திரி கழிவறை அருகே உயிருடன் கண்டெடுக்கப்பட்டது. இதையடுத்து சந்தேகத்தின் பேரில் உம்னே சைனாப் ஷேக்கிடம் வித்யா நகர் போலீசார் விசாரணை நடத்தினர்.