வங்க கடலில் உருவான குலாப் புயல் காரணமாக மும்பை மற்றும் அதனை சுற்றியுள்ள பகுதிகளில் கடந்த 2 நாட்களாக மழை பெய்து வருகிறது. இதனால் பல்வேறு இடங்களில் சாலைகளில் வெள்ளம் தேங்கியது. எனினும் மழை காரணமாக பொது மக்களுக்கு பெரியளவில் பாதிப்பு எதுவும் ஏற்படவில்லை.

இதே போல தானே, நவிமும்பை பகுதியிலும் நேற்று பலத்த மழை பெய்தது. தானேவில் மழைக்காரணமாக பல இடங்களில் போக்குவரத்து நெரிசல் ஏற்பட்டது. இதனால் வாகன ஓட்டிகள் அவதி அடைந்தனர். நேற்று காலை 8 மணி முதல் மாலை 5 மணி வரை மட்டும் நகா பகுதியில் 6.8 செ.மீ.யும், மேற்கு புறநகரில் 6.5 செ.மீ.யும், கிழக்கு புறநகரில் 7.1 செ.மீ. மழையும் பதிவாகி இருந்தது.