கர்நாடக மாநிலத்தில் கொரோனா வைரல் பரவலை தடுப்பதற்காக மேற்கொள்ளப்பட்டு வரும் நடவடிக்கைகள் குறித்து கர்நாடக துணை முதல் மந்திரி அஸ்வத் நாராயண் பெங்களூருவில் நேற்று செய்தியாளர்களுக்கு பேட்டி அளித்தார். அப்போது அவர் கூறியதாவது;-

கொரோனா 3-வது அலை வந்தாலும் சரி, டெல்டா பிளஸ் வைரஸ் பரவினாலும் சரி, அனைவரும் தடுப்பூசி போட்டுக் கொண்டால் அவற்றை நாம் தைரியத்துடன் எதிர்கொள்ள முடியும். யாரும் அலட்சியமாக இருக்கக்கூடாது. கர்நாடகத்தில் இதுவரை 2 கோடி பேருக்கு தடுப்பூசி போடப்பட்டுள்ளது. இதில் 1.70 கோடி பேருக்கு முதல் டோஸ் தடுப்பூசி செலுத்தப்பட்டு இருக்கிறது.