டெல்லியில் உள்ள ராம் மனோகர் லோகியா மருத்துவமனையின் தடுப்பூசி மையத்துக்கு பா.ஜனதா தேசிய தலைவர் ஜே.பி.நட்டா நேற்று வருகை தந்தார்.

பின்னர் செய்தியாளர்கள் சந்திப்பில் பேசிய அவர், உலகிலேயே மிகப்பெரிய, வேகமான தடுப்பூசி திட்டம் இந்தியாவில் நடந்து வருகிறது. பிரதமர் மோடி தலைமையில் 9 மாதத்துக்குள் 2 தடுப்பூசிகளை பயன்பாட்டுக்கு கொண்டு வந்தோம். எதிர்க்கட்சிகள் மக்களை தவறாக வழிநடத்தவும் தடைகளை உருவாக்கவும் முயன்ற போதிலும், மோடியின் அழைப்பை ஏற்று 130 கோடி மக்கள் தடுப்பூசி போட்டுக்கொள்ள முன்வந்துள்ளனர்.