‘இந்தியா-அமெரிக்கா வர்த்தக ஒப்பந்தம் அடுத்த மாதம் கையெழுத்தாக வாய்ப்பு’ - பியூஷ் கோயல் தகவல்

தொடர்ந்து, இந்தியா-அமெரிக்கா இடையே வர்த்தக ஒப்பந்தம் இறுதி செய்யப்பட்டுள்ளது என டிரம்ப் அறிவித்தார். அதன்படி, இந்தியாவுக்கான இறக்குமதி வரி 25 சதவீதத்தில் இருந்து 18 சதவீதமாக குறைக்கப்பட்டுள்ளது என டிரம்ப் தெரிவித்தார்.

இந்த நிலையில் இந்தியா-அமெரிக்கா வர்த்தக ஒப்பந்தம் அடுத்த மாதம் கையெழுத்தாக வாய்ப்புள்ளதாக மத்திய வர்த்தகம் மற்றும் தொழில்துறை மந்திரி பியூஷ் கோயல் தெரிவித்துள்ளார். இது தொடர்பாக அவர் கூறியிருப்பதாவது;-

“இந்தியா-அமெரிக்கா இடையிலான இருதரப்பு வர்த்தக ஒப்பந்தத்தின் முதல் பகுதி குறித்த கூட்டு அறிக்கையில் அடுத்த 4 அல்லது 5 நாட்களுக்குள் இரு நாடுகளும் கையெழுத்திடும் என்று எதிர்பார்க்கப்படுகிறது. அதன் பிறகு அமெரிக்கா விதித்த வரிகள் 18 சதவீதமாகக் குறையும். அதனை தொடர்ந்து ஒப்பந்தத்தின் முதல் பகுதி தொடங்கும்.

ஒப்பந்தத்தின் முறையான வரைவு செய்யப்பட்டு வருகிறது. அந்த பணிகள் முழுமையடைய ஒரு மாதம் அல்லது ஒன்றரை மாதங்கள் ஆகலாம். மார்ச் மாதத்தில் முறையான ஒப்பந்தம் கையெழுத்தாக வாய்ப்புள்ளது. இந்த ஒப்பந்தத்தில் முதலீட்டு உறுதிமொழி எதுவும் இல்லை.”

இவ்வாறு அவர் தெரிவித்துள்ளார்.