கொரோனா மற்றும் அதைத்தொடர்ந்து அமல்படுத்தப்பட்ட ஊரடங்கு காரணமாக பல்வேறு துறைகள் கடந்த ஆண்டு வீழ்ச்சியை சந்தித்தன. இதில் நிலக்கரி, கச்சா எண்ணெய், இயற்கை எரிவாயு, சுத்திகரிப்பு பொருட்கள், உரம், ஸ்டீல், சிமெண்டு மற்றும் மின்சாரம் ஆகிய முக்கியமான 8 உள்கட்டமைப்பு துறைகள் கடந்த மே மாதத்தில் 21.4 சதவீதம் வீழ்ச்சியடைந்திருந்தன.

ஆனால் இந்த ஆண்டு அதே காலகட்டமான கடந்த மே மாதத்தில் அந்த துறைகள் அனைத்தும் ஒட்டுமொத்தமாக 16.8 சதவீதம் வளர்ச்சியடைந்திருப்பதாக மத்திய வர்த்தகம் மற்றும் தொழில்துறை அமைச்சகம் வெளியிட்ட தரவுகள் கூறியுள்ளன.