புதுச்சேரி சட்டப்பேரவை இன்று கூடுகிறது. இதில் அரசு செலவினங்களுக்கான இடைக்கால பட்ஜெட் தாக்கல் செய்யப்பட உள்ளது. நாடாளுமன்ற தேர்தல் வருவதால் முழுமையான பட்ஜெட் தாக்கல் செய்ய முடியாத நிலை உருவாகியுள்ளது. இதன் காரணமாக இடைக்கால பட்ஜெட் தாக்கல் செய்யப்படுகிறது.

அதன்படி, புதுச்சேரி சட்டப்பேரவையில் நிதித்துறை பொறுப்பை வகிக்கும் புதுச்சேரி முதல்-மந்திரி ரங்கசாமி, இன்று காலை 9.30 மணியளவில் 2024-25-ம் ஆண்டுக்கான இடைக்கால பட்ஜெட்டை தாக்கல் செய்கிறார். 4 மாதத்திற்கான இடைக்கால பட்ஜெட் தாக்கல் செய்யப்படும் என தெரிகிறது.