ஐ.என்.எக்ஸ். மீடியா முறைகேடு வழக்கு: சி.பி.ஐ. கோர்ட்டு விசாரணைக்கு டெல்லி ஐகோர்ட்டு இடைக்கால தடை

அப்போது சி.பி.ஐ. தரப்பில் வக்கீல் அனுபம் எஸ்.சர்மா ஆஜராகி, ஐ.என்.எக்ஸ். மீடியா முறைகேடு வழக்கு தொடர்பான அனைத்து ஆவணங்களையும் குற்றம்சாட்டப்பட்டவர்களுக்கு வழங்க வேண்டும் என்று சி.பி.ஐ. விசாரணை கோர்ட்டு தவறாக உத்தரவிட்டுள்ளது. சி.பி.ஐ. குற்றப்பத்திரிக்கையில் குறிப்பிடப்பட்டுள்ள ஆவணங்களை மட்டுமே கேட்டுப்பெறுவதற்கு குற்றம்சாட்டப்பட்டவர்களுக்கு உரிமையுள்ளது. அவர்களிடம் இருந்து பறிமுதல் செய்யப்பட்ட ஆவணங்களை கேட்டுப்பெற முடியாது என வாதிட்டார்.

அதையடுத்து நீதிபதி சுரேஷ் கெய்த், எந்த நோக்கத்துக்காக கைப்பற்றப்பட்ட ஆவணங்களை வைத்துள்ளீர்கள்? எனக் கேட்டார். அதற்கு பதில் அளித்த வக்கீல் அனுபம் எஸ்.சர்மா, ஐ.என்.எக்ஸ். மீடியா முறைகேட்டில் பெரிய அளவிலான கூட்டுச்சதி குறித்த புலன்விசாரணை நடைபெற்றுவருகிறது என்றார்.

வாதங்களைப் பதிவு செய்துகொண்ட நீதிபதி, சி.பி.ஐ. கோர்ட்டில் நடைபெறும் ஐ.என்.எக்ஸ். மீடியா முறைகேடு வழக்கு விசாரணைக்கும், அனைத்து ஆவணங்களையும் குற்றம்சாட்டப்பட்டவர்களுக்கு வழங்கவேண்டும் என்ற உத்தரவுக்கும் இடைக்கால தடை விதித்தார். சி.பி.ஐ. மனு தொடர்பாக பதில் அளிக்க ப.சிதம்பரம், கார்த்தி சிதம்பரம் உள்ளிட்ட எதிர்மனுதாரர்களுக்கு உத்தரவிட்டார்.