உத்தரபிரதேசத்தில் குடியரசு தினவிழாவையொட்டி விஷ்வ இந்து பரிஷத் மற்றும் அகில பாரதீய வித்யார்த்தி பரிஷத் (ஏபிவிபி) அமைப்பை சேர்ந்தவர்கள் காஸ்காஞ்சில் மற்றொரு பிரிவினர் வாழும் பகுதியின் வழியாக மூவர்ணக்கொடியுடன் மோட்டார் சைக்கிளில் பேரணியாக சென்றனர். அப்போது இருதரப்பினர் இடையே மோதல் நேரிட்டது. மோதலின் போது நடைபெற்ற துப்பாக்கி சூட்டில் சந்தான் குப்தா (வயது 22) என்ற இளைஞர் உயிரிழந்தார் என தெரிவிக்கப்பட்டது. சந்தான் குப்தாவிற்கு இறுதிசடங்கு நடந்தபோதும் வன்முறை வெடித்தது. இதனையடுத்து உத்தரபிரதேச போலீஸ் கைது நடவடிக்கையில் இறங்கியது, 100-க்கும் மேற்பட்டோரை கைது செய்து உள்ளது.

பாதுகாப்பு உஷார் நிலையில் வைக்கப்பட்டு விசாரணை தொடர்ச்சியாக நடைபெற்று வருகிறது. இதற்கிடையே வன்முறையில் தொடர்பு இல்லாதவர்களையும் போலீஸ் கைது செய்கிறது என்ற குற்றச்சாட்டும் முன்வைக்கப்பட்டு வருகிறது.