ஜார்க்கண்டில் பா.ஜனதா அரசின் பதவி காலம் வரும் ஜனவரி 5-ம் தேதியுடன் முடிவுக்கு வருகிறது. எனவே அதற்குள் சட்டமன்ற தேர்தலை நடத்தி முடிக்க வேண்டியது அவசியம் ஆகும். இந்த சூழலில், ஜார்க்கண்ட் சட்டப்பேரவைக்கான தேர்தல் தேதியை தேர்தல் ஆணையம் அறிவித்துள்ளது.

ஜார்க்கண்ட் மாநிலத்தில் உள்ள 81 சட்டசபை தொகுதிகளுக்கு 5 கட்டங்களாக தேர்தல் நடத்தப்படும். முதல் கட்டமாக நவம்பர் 30-ம் தேதி 13 தொகுதிகளுக்கு தேர்தல் நடைபெறும் என்றும், டிசம்பர் 7-ம் தேதி 2-ம் கட்ட தேர்தலும், டிசம்பர் 12-ம் தேதி 3-ம் கட்ட தேர்தலும், டிசம்பர் 16-ம் தேதி 4-ம் கட்ட தேர்தலும், டிசம்பர் 20-ம் தேதி 5-ம் கட்ட தேர்தலும் நடைபெறுகிறது என தலைமை தேர்தல் ஆணையர் சுனில் அரோரா அறிவித்துள்ளார்.