உத்தரபிரதேச மாநிலம் அயோத்தியில் ராமர் கோவில் கட்டுமானப் பணிகள் நடைபெற்று வருகிறது. இதற்காக நாட்டின் பல்வேறு பகுதிகளில் இருந்தும் பொதுமக்கள் நன்கொடை வழங்கி வருகின்றனர். இதன் கட்டுமானப் பணிக்கு கடந்த ஆண்டு ஆகஸ்ட் 5 ஆம் தேதி பிரதமர் மோடி அடிக்கல் நாட்டினார். இந்த பணிகள் வரும் 2023 ஆம் ஆண்டு இறுதிக்குள் நிறைவடையும் என்று எதிபார்க்கப்படுகிறது.

இந்த நிலையில் அயோத்தியில் கட்டப்படும் ராமர் கோவிலுக்காக, காபூல் நதி நீரை ஆப்கானிஸ்தான் சிறுமி ஒருவர் பிரதமர் நரேந்திர மோடிக்கு அனுப்பியிருந்தார். அந்த காபூல் நதி நீரையும், கங்கை நதி நீரையும் நேற்று அயோத்தி ராமர் கோவில் கட்டுமானப்பகுதியில் உத்தரபிரதேச முதல்-மந்திரி யோகி ஆதித்யநாத் வழங்கினார்.