கர்நாடக மாநிலத்தின் விவசாயத்துறை மந்திரி பி.சி.பட்டீல் பெங்களூருவில் நேற்று செய்தியாளர்களை சந்தித்து பேசினார். அப்போது அவர் கூறியதாவது:-

கர்நாடகத்தில் கடந்த ஆண்டு விவசாயத்துறையில் பயிர் மதிப்பீட்டு பணி செல்போன் செயலி மூலம் வெற்றிகரமாக மேற்கொள்ளப்பட்டது. இந்த ஆண்டும் அந்த பணிகள் தற்போது நடைபெற்று வருகின்றன. விவசாய திட்டங்களை அமல்படுத்துவதில் கர்நாடகம் பிற மாநிலங்களுக்கு முன்மாதிரி. கர்நாடகத்தை மத்திய அரசும் பாராட்டியுள்ளது.