அவரும் எடியூரப்பா முதல்-மந்திரியாக பதவி ஏற்க அழைப்பு விடுத்தார். அதனுடன் சட்டசபையில் பெரும்பான்மையை நிரூபிக்க கவர்னர் வஜூபாய்வாலா 31ந்தேதி வரை காலக்கெடு விதித்துள்ளார். இதைதொடர்ந்து நேற்று முன்தினம் மாலை எடியூரப்பா முதல்-மந்திரியாக பதவி ஏற்றுக்கொண்டார்.

இந்நிலையில், கர்நாடகாவில் ஏற்கனவே 3 எம்.எல்.ஏ.க்கள் தகுதி நீக்கம் செய்யப்பட்ட நிலையில் மேலும் 14 அதிருப்தி எம்.எல்.ஏ.க்களை தகுதி நீக்கம் செய்து சபாநாயகர் நடவடிக்கை எடுத்துள்ளார். இதனால் கர்நாடகாவில் தகுதி நீக்க அதிருப்தி எம்.எல்.ஏ.க்கள் எண்ணிக்கை 17 ஆக உயர்ந்துள்ளது. 224 எம்.எல்.ஏ.க்களை கொண்ட சட்டப்பேரவையின் பலம் 207ஆக குறைந்துள்ளது.

கர்நாடகாவின் தற்போதைய பேரவை கலைக்கப்பட்டு பொதுத்தேர்தல் நடந்தால் தகுதி நீக்க எம்.எல்.ஏ.க்கள் 17 பேரும் போட்டியிடலாம். 15வது சட்டசபைக்கான பதவி காலம் முடிவடையும் வரை 17 பேரும் தேர்தலில் போட்டியிட முடியாது என கர்நாடக சபாநாயகர் அறிவித்துள்ளார்.