வசுந்தரா ராஜே தலைமையில் பாரதீய ஜனதா ஆட்சி நடைபெற்று வரும் ராஜஸ்தானில் 2 நாடாளுமன்ற தொகுதிகள் மற்றும் ஒரு சட்டசபை தொகுதிக்கு நடைபெற்ற இடைத்தேர்தலில் காங்கிரஸ் வெற்றி பெற்றது.

அஜ்மீர், அல்வர் பாராளுமன்ற தொகுதிகளிலும், மண்டல்கிரக் தொகுதி சட்டப்பேரவை தொகுதியில் காங்கிரஸ் பெருவாரியான வாக்குகள் வித்தியாசத்தில் வெற்றி பெற்றது. பத்மாவத் படத்திற்கு ராஜஸ்தான், குஜராத், மத்திய பிரதேசம் உள்ளிட்ட மாநிலங்கள் தடை விதித்தன. ஆனால் சுப்ரீம் கோர்ட்டு தடையை ரத்து செய்து பாதுகாப்பு வழங்க உத்தரவிட்டது. இதனையடுத்து படம் வெளியானது. ஆனால் கர்னி சேனாவினர் போராட்டம் நடத்தியதால் படம் வெளியாவதில் சிக்கல் நேரிட்டது. திரையரங்குகள் படத்தை வெளியிடுவதை நிராகரித்தன. இதற்கிடையே ராஜஸ்தானில் இடைத்தேர்தல் நடைபெற்றது.