டெல்லி சட்டப்பேரவையை சேர்ந்த பாவனா தொகுதியின் இடைத்தேர்தலில் வெற்றி பெற்றதைத் தொடர்ந்து ஆம் ஆத்மி தொண்டர்களிடையே பேசிய கெஜ்ரிவால், பாஜகவின் சமீபத்திய வெற்றிகளுக்கு பின்னால் மின்னணு வாக்கு இயந்திரங்களை தவறாக பயன்படுத்திய விவகாரம் உள்ளதாக குற்றஞ்சாட்டினார்.

அடுத்த கட்சியிலிருந்து பேரவை உறுப்பினர்களை பணம் கொடுத்து இழுப்பது என்று செயல்பாடுகள் டெல்லியில் தோல்வியடைந்துள்ளது என்றும் கெஜ்ரிவால் கூறினார். அப்படி பணத்திற்கு விலைபோனவர்கள் தொகுதியில் முகம் காட்ட முடியாமல் போகும் சூழல் உருவாகியுள்ளது என்றார் கெஜ்ரிவால்.