லடாக் எல்லையில் இந்திய-சீன படைகளுக்கு இடையே நடைபெற்ற மோதல் தொடர்பாக காங்கிரஸ் முன்னாள் தலைவர் ராகுல் காந்தி, பிரதமர் மோடியை தொடர்ந்து குறை கூறி வருகிறார். இந்திய நிலப்பகுதியை சீனா ஆக்கிரமித்துக் கொண்டதாக அவரும், மற்ற காங்கிரஸ் தலைவர்களும் கூறும் குற்றச்சாட்டை மத்திய அரசு ஏற்கனவே மறுத்து உள்ளது.

இந்த நிலையில், பிரதமர் மோடியை தாக்கும் வகையில் ராகுல் காந்தி நேற்று இந்தியில் வெளியிட்டுள்ள டுவிட்டர் பதிவில், புனிதமான இந்திய தாய் மண்ணை சீனா ஆக்கிரமித்துக் கொண்டது. இதுதான் பிரதமர் மோடியின் ஆட்சியில் நடந்து உள்ளது என்று கூறி இருக்கிறார்.