ஆனால், வெடிகுண்டு கார் வழக்கில் இருந்து தப்பிக்க முன்னாள் போலீஸ் கமிஷனர் பரம்பீர் சிங் பொய்யான குற்றச்சாட்டு தெரிவித்து இருப்பதாக உள்துறை மந்திரி அனில் தேஷ்முக் மறுப்பு தெரிவித்து உள்ளார். மராட்டிய அரசியலில் இந்த விவகாரம் அனலை கிளப்பியுள்ளது. உள்துறை மந்திரி அனில் தேஷ்முக் உடனடியாக பதவி விலக வேண்டும் என்று பாஜக உள்ளிட்ட எதிர்க்கட்சிகள் வலியுறுத்தி வருகின்றன.

இந்த விவகாரம் குறித்துப் பேசிய தேசியவாத காங்கிரஸ் தலைவர் சரத் பவார், உள்துறை மந்திரி அனில் தேஷ்முக் விவகாரத்தில் இறுதி முடிவு எடுக்க வேண்டியது முதல் மந்திரிதான் என்றார். மேலும், அனில் தேஷ்முக் விவகாரம் குறித்து ஆலோசிக்க மராட்டியத்தில் ஆளும் மகாவிகாஸ் கூட்டணி தலைவர் நாளை சந்திக்க உள்ளதாக ஆங்கில தொலைக்காட்சி செய்தி வெளியிட்டுள்ளது. மராட்டியத்தில் சிவசேனா, காங்கிரஸ், தேசியவாத காங்கிரஸ் ஆகிய கட்சிகள் அடங்கிய மகா விகாஸ் கூட்டணி ஆட்சி நடைபெற்று வருகிறது.