மோடி அலை மங்கிவிட்டதாகவும் காங்கிரஸ் துணைத்தலைவர் ராகுல் காந்திக்கு இந்தியாவை வழிநடத்தும் தகுதி உள்ளதாகவும் சிவசேனா எம்.பி சஞ்செய் ராவத் தெரிவித்துள்ளார். தொலைக்காட்சி விவாத நிகழ்ச்சி ஒன்றில் கலந்து கொண்ட சிவசேனா கட்சியின் எம்.பி சஞ்செய் ராவத் கூறியதாவது:- காங்கிரஸ் தலைவர் ராகுல் காந்திக்கு நாட்டை வழி நடத்தும் தகுதி உள்ளது.

ராகுல் காந்தியை பப்பு(சின்ன பையன்) என அழைப்பது தவறு. நாட்டின் மிகப்பெரிய அரசியல் சக்தி யார்?எனில் மக்கள்தான். வாக்காளர்களால் யாரையும் பப்புவாக்க முடியும். கடந்த 2014 ஆம் ஆண்டு நாடாளுமன்ற தேர்தலின் போது நாடு முழுவதும் மோடி அலை வீசியது. ஆனால் தற்போது அந்த அலை ஒய்ந்துவிட்டது போல தெரிகிறது. குஜராத்தில் மக்கள் போராட்டத்தில் ஈடுபடுகின்றனர். இவற்றை எல்லாம் பார்க்கும் போது, குஜராத் சட்டப்பேரவை தேர்தல் பாஜகவுக்கு சவாலாகவே இருக்கும் என தெரிகிறது என்றார்.