மத்திய பிரதேசத்தின் விதிஷா மாவட்டத்தில் சுஜா கிராமத்தில் வசித்து வருபவர் ஜஸ்வந்த் ஆஹிர்வார். தொழிலாளியான இவருக்கு கடந்த வருடம் திருமணம் நடந்தது. இவரது மனைவி பபிதா ஆஹிர்வார் (வயது 23). கர்ப்பிணியான இவர் விதிஷா மாவட்ட மருத்துவமனையில் பிரசவத்திற்காக சேர்ந்துள்ளார்.

இந்த தம்பதிக்கு கடந்த சனிக்கிழமை ஆண் குழந்தை ஒன்று பிறந்துள்ளது. அந்த குழந்தை 3.3 கிலோ எடையுடன், ஒட்டிய நிலையில் 2 தலைகள், 3 கைகள் மற்றும் 4 உள்ளங்கைகளுடன் இருந்துள்ளது. அதற்கு உடல்நிலை சரியில்லாத காரணத்தினால் மருத்துவமனையின் தீவிர சிகிச்சை பிரிவில் வைக்கப்பட்டு உள்ளது.