பிரதமர் மோடி வரி பயங்கரவாதத்தை கட்டவிழ்த்து விட்டு உள்ளார் ராகுல் காந்தி கடும் விமர்சனம்

மத்திய அரசு கருப்பு பணம் ஒழிப்பு நடவடிக்கையாக 500, 1000 ரூபாய் நோட்டுகளை வாபஸ் பெற்றது தொடர்பாக பேசிய ராகுல் காந்தி, அனைத்து பணமும் கருப்பு பணம் கிடையாது, அனைத்து கருப்பு பணமும் பணமாக இல்லை. பிரதமர் அவருடைய மிகப்பெரிய மார்பில் இருந்து அவருடைய பவரை கட்டவிழ்த்துவிட்டு உள்ளார், பிரதமர் மோடிக்கு சிறிய இதயம்தான் என குறிப்பிட்டார். ஜிஎஸ்டி வரி விதிப்பு தொடர்பாக மத்திய அரசை தொடர்ச்சியாக விமர்சனம் செய்து வரும் ராகுல் காந்தி, மத்திய அரசு ஒரு சுனாமி வரி பயங்கரவாதத்தை கட்டவிழ்த்துவிட்டு உள்ளது, இது மோசமான நிலையை நோக்கியே செல்கிறது என விமர்சனம் செய்து உள்ளார். மோடி அரசு ஒவ்வொருவரையும் திருடனாகவே பார்க்கிறது எனவும் ராகுல் காந்தி கடுமையாக தாக்கி பேசிஉள்ளார்.