இதர பிற்படுத்தப்பட்டோர் இடஒதுக்கீடு செல்லும் என்ற அறிவிப்புக்கு தமிழ்நாட்டில் அனைத்து கட்சியினரும் ஆதரவு தெரிவித்தனர்.

இந்தநிலையில், நாடு முழுவதும் 2021-2022 கல்வியாண்டின் முதுநிலை மருத்துவ படிப்புகளுக்கு ஜனவரி 12-ந் தேதி கலந்தாய்வு தொடங்குகிறது. இதை மத்திய சுகாதாரத்துறை மந்திரி மன்சுக் மாண்டவியா நேற்று அறிவித்தார்.

அவர் கூறியிருப்பதாவது:-

சுப்ரீம் கோர்ட்டு உத்தரவை தொடர்ந்து, பயிற்சி மருத்துவர்களுக்கு ஏற்கனவே உறுதி அளித்தபடி, நீட் தேர்வு அடிப்படையில், முதுநிலை மருத்துவ படிப்புகளுக்கு ஜனவரி 12-ந் தேதி கலந்தாய்வு தொடங்குகிறது. இதை மருத்துவ கலந்தாய்வு குழு நடத்தும். கொரோனாவுக்கு எதிரான போரில் இந்த நடவடிக்கை நாட்டுக்கு கூடுதல் பலத்தை அளிக்கும். பங்கேற்கும் அனைவருக்கும் வாழ்த்துகள் என்று அவர் கூறியுள்ளார்.