புதிய 100 ரூபாய் நோட்டுக்களை அச்சடிக்கும் பணி அடுத்த வருடம் ஏப்ரல் மாதம் தொடங்க உள்ளது என தகவல்கள் வெளியாகி உள்ளது.

இந்த நிதிஆண்டின் இறுதி மாதமான மார்ச் மாதம் 200 ரூபாய் நோட்டுக்களை அச்சடிக்கும் பணியானது நிறைவு பெறும் அதனைத் தொடர்ந்து புதிய 100 ரூபாய் நோட்டுக்களை அச்சடிக்கும் பணி தொடங்கும் என தெரிவிக்கப்படுகிறது. இப்போது புழக்கத்தில் உள்ள 100 ரூபாய் நோட்டுக்கள் தொடர்ந்து புழக்கத்தில் இருக்கும், எந்தஒரு இடையூறுமின்றி படிப்படியாக திரும்ப பெறப்படும் எனவும் ரிசர்வ் வங்கி அதிகாரி கூறியதாக செய்தி வெளியாகி உள்ளது. புதிய 100 ரூபாய் நோட்டின் உயரம் மற்றும் அகலத்தில் மாற்றம் இருக்காது எனவும், ஏடிஎம் வழியாக மக்களை சென்றடையும் வகையில் ஏற்பாடு செய்யப்படும் எனவும் கூறப்படுகிறது. இப்போது ஏடிஎம்களில் 100 ரூபாய் நோட்டுக்கள் வழங்கப்படுகிறது.