கொல்கத்தா,

மேற்கு வங்காள மாநிலம் வங்காளதேசத்தை ஒட்டி அமைந்துள்ளதால் அந்த நாட்டைச் சேர்ந்த பலர் சட்டவிரோதமாக இந்தியாவுக்குள் ஊடுருவி வருகின்றனர். இந்த நிலையில் முர்ஷிதாபாத் மற்றும் வடக்கு 24 பர்கானா மாவட்டங்களின் பல்வேறு பகுதிகளில் சட்டவிரோதமாக இந்தியாவுக்குள் ஊடுருவிய வங்காளதேசத்தைச் சேர்ந்த 9 பேரை எல்லை பாதுகாப்பு படை வீரர்கள் கைது செய்தனர்.

மேலும், சட்டவிரோதமாக ஊடுருவியவர்களிடம் இருந்து 28 கால்நடைகளின் தலைகள், 499 பாட்டில்களில் இருந்த இந்தியாவில் தடை செய்யப்பட்ட இருமல் மருந்து ஆகியவை பறிமுதல் செய்யப்பட்டதாக எல்லை பாதுகாப்பு படை தெரிவித்துள்ளது.