மாநிலங்கள் எச்சரிக்கையாக இருக்கும்படி ஏற்கனவே மத்திய அரசு உத்தரவிட்டுள்ளது. ரோஹிங்யாக்களின் நகர்வுகளை கண்காணிக்கவும், அவர்கள் ஆணவங்கள் பெறுவதற்கு உதவி செய்யக்கூடாது, அவை அவர்கள் இந்திய குடிமக்கள் என்பதை உறுதிசெய்ய உதவிசெய்யும், என கூறியுள்ளார். மாநிலங்களிடம் இருந்து முழுமையான தகவல்தரவு பெற்றதும் இவ்விவகாரம் தொடர்பாக மியான்மர் அரசிடம் தூதரக ரீதியிலான நடவடிக்கையை மேற்கொள்வோம் என்றார்.

சமீபத்தில் தேசிய மனித உரிமைகள் ஆணையம் ஏற்பாடு செய்திருந்த நிகழ்ச்சியில் பேசிய ராஜ்நாத் சிங், மியான்மர் ரோஹிங்யாக்களை திரும்ப ஏற்றுக்கொள்ள முன்வரும் போது இங்குள்ள சிலர் ஏன் மறுப்பு தெரிவிக்கிறார்கள் என்பது அதிர்ச்சியாக உள்ளது, என்றார். ரோஹிங்யாக்கள் இந்தியாவில் சட்டவிரோதமாக தங்கியிருப்பவர்கள் அவர்களை வெளியேற்றுவோம் என்பதை மத்திய உள்துறை அமைச்சகம் சுப்ரீம் கோர்ட்டு தெரிவித்துவிட்டது.

1951 மற்றும் 1967-ஆம் ஆண்டுகளில் மேற்கொள்ளப்பட்ட அகதிகள் தொடர்பான ஐ.நா. சாசனங்களில் இந்தியா கையெழுத்திடவில்லை. அதனால் அந்த ஒப்பந்தங்களில் கூறப்பட்டுள்ள விதிகள் இந்தியாவுக்குப் பொருந்தாது என்றும் இந்தியா தெரிவித்துள்ளது. இப்போது ரோஹிங்யாக்களை வெளியேற்றுவது சர்வதேச விதிகளை மீறுவதாகாது எனவும் ராஜ்நாத் சிங் கூறியிருந்தார்.