மராட்டியத்தில் பல ரெயில்நிலையங்களில் நடைமேம்பாலங்கள் நீண்டகாலமாக பராமரிக்கப்படாமல் உள்ளன. இந்த நிலையில் சந்திராப்பூரில் உள்ள பல்ஹர்ஷா ரெயில் நிலையத்தில் நேற்று மாலை 5.10 மணி அளவில், புனே செல்லும் ரெயில் வந்து நின்றது. இந்த ரெயிலில் ஏறுவதற்காக பயணிகள் அங்கிருந்த ரெயில்வே நடைமேம்பாலம் வழியாக அதிக அளவில் நடந்து சென்றனர்.

இந்தநிலையில் ரெயில்வே நடைமேம்பாலத்தின் ஒரு பகுதி திடீரென இடிந்து விழுந்தது. அப்போது அந்த பாலத்தில் நடந்து சென்ற சிலர் சுமார் 20 அடி உயரத்தில் இருந்து கீழே உள்ள ரெயில்வே தண்டவாளத்தில் விழுந்து காயம் அடைந்தனர்.