புதுடெல்லி,

தற்போதைய நாடாளுமன்ற தேர்தலில், அரசியல் கட்சிகளின் ஒட்டுமொத்த விளம்பர செலவு ரூ.2,500 கோடியில் இருந்து ரூ.3 ஆயிரம் கோடிவரை இருக்கும் என்று கருதப்படுகிறது. இதில், சமூக வலைத்தளங்கள் உள்ளிட்ட ஆன்-லைன் தளங்களில் செய்யப்படும் விளம்பர செலவு மட்டும் ரூ.500 கோடியாக இருக்கும் என்று கணிக்கப்படுகிறது. இது, கடந்த தேர்தலில் ஏற்பட்ட ஆன்-லைன் விளம்பர செலவை விட இருமடங்கு அதிகம் ஆகும்.

ஸ்மார்ட் போன் பயன்பாடு அதிகரித்ததும், இணையதள கட்டணங்கள் மலிவாகி விட்டதும்தான் இதற்கு காரணம் என நிபுணர்கள் தெரிவித்தனர். ஆன்-லைன் விளம்பர செலவுகளில் பா.ஜனதா முதலிடத்தில் உள்ளது.