புதுடெல்லி,

அரியானாவில் 107 சிவில் நிதிபதி (இளநிலை பிரிவு) பணியிடங்களுக்கு 34 ஆயிரம் பேர் விண்ணப்பித்து இருந்தனர். இதன் முதல்நிலை தேர்வை 14 ஆயிரத்துக்கும் மேற்பட்டோர் எழுதி அதில் 1,282 பேர் மட்டுமே வெற்றி பெற்றனர். அவர்களில் பிரதான தேர்வை 1,195 பேர் எழுதினர். இந்த தேர்வு முடிவு சமீபத்தில் வெளியானது.

இதில் வெறும் 9 பேர் மட்டுமே வெற்றி பெற்றதாக அறிவிக்கப்பட்டு உள்ளனர். இது தேர்வாளர்களுக்கு பெரும் அதிர்ச்சியை ஏற்படுத்தி உள்ளது. எனவே தேர்வர்களில் சிலர் சுப்ரீம் கோர்ட்டில் வழக்கு தொடர்ந்தனர். இதைத்தொடர்ந்து தங்கள் உத்தரவு வராமல் யாரையும் சிவில் நீதிபதியாக நியமிக்கக்கூடாது என அரியானா-பஞ்சாப் ஐகோர்ட்டுக்கு சுப்ரீம் கோர்ட்டு சமீபத்தில் உத்தரவிட்டு இருந்தது.

இந்த நிலையில் அரியானா சிவில் நீதிபதி பணியிடத்துக்கு பிரதான தேர்வு எழுதியவர்களின் விடைத்தாள்களை ஆய்வு செய்வதற்காக ஓய்வு பெற்ற சுப்ரீம் கோர்ட்டு நீதிபதி ஏ.கே.சிக்ரியை சுப்ரீம் கோர்ட்டு தற்போது நியமித்துள்ளது.