புதுடெல்லி,
இந்தியாவில் 2-வது டோஸ் கொரோனா தடுப்பூசி போட்ட 18 வயதுக்கு மேற்பட்டவர்கள், முன்னெச்சரிக்கை டோஸ் எனப்படும் பூஸ்டர் டோஸ் போடுவதற்கு 9 மாதங்கள் காத்திருக்க வேண்டும் என்று மத்திய அரசு அறிவித்திருந்தது.
இந்த நடவடிக்கையால் வெளிநாடு செல்வோர் பாதிக்கப்பட்டனர். பூஸ்டர் டோஸ் போட்டால் மட்டுமே அனுமதி அளிக்கும் நாடுகளுக்கு செல்வதில் சிக்கல் ஏற்பட்டது.
இதைத்தொடர்ந்து வெளிநாடு செல்வோர் பூஸ்டர் டோஸ் போடுவதற்கு 9 மாதங்கள் காத்திருக்க தேவையில்லை எனவும், அந்தந்த நாடுகளின் விதிகளுக்கு ஏற்ப தேவைப்படும் நேரத்தில் போட்டுக்கொள்ளலாம் எனவும் தேசிய நோய் தடுப்புக்கான தொழில்நுட்ப ஆலோசனைக்குழு மத்திய அரசுக்கு பரிந்துரைத்து உள்ளது.