விவாதிக்க தயார்

அதற்கு அவர் பதிலளிக்கையில், எதிர்க்கட்சிகள் கூறும் செல்போன் ஒட்டு கேட்கும் குற்றச்சாட்டு ஆதாரமற்றது. அது ஒரு பிரச்சினையும் இல்லை. மக்களுக்காக எழுப்புவதற்கு காங்கிரஸ் தலைமையிலான எதிர்க்கட்சிகளிடம் எந்த பிரச்சினையும் இல்லை. எனவே இது போன்ற பிரச்சினைகளை எழுப்புகின்றனர் என்று தெரிவித்தார்.அவர் மேலும் கூறும்போது, நாடாளுமன்றத்தில் அனைத்து விதமான விவாதங்களுக்கும் நாங்கள் தயாராக இருக்கிறோம். ஆனால் காங்கிரஸ் மற்றும் பிற எதிர்க்கட்சிகளுக்கு எழுப்புவதற்கு எந்த பிரச்சினையும் இல்லாததால், அவர்கள் ஏமாற்றம் அடைந்து உள்ளனர். அவர்களுக்கு என்ன செய்வதென்றே தெரியவில்லை. எனவே ஒன்றுமில்லா பிரச்சினைகளுக்காக நாடாளுமன்ற அலுவல்களை முடக்கி வருகின்றனர் என்று குறைகூறினார்.

ஆக்கபூர்வ செயல்பாடு

எனினும் அவர்கள் எவ்வளவு முயன்றாலும் பிரதமர் மோடியின் தனித்துவமிக்க தலைமையின் கிழ் நாடாளுமன்ற செயல்பாடுகள் அனைத்து ஆக்கபூர்வமாக இருந்து வருவது மக்களுக்கு தெரியும் என்று கூறிய ஜே.பி.நட்டா, மக்களவை, மாநிலங்களவை அலுவல்கள் அனைத்து சாதனைகளையும் முறியடித்து உள்ளதாகவும் தெரிவித்தார்.