தனிச்சட்டம் என்ற பெயரில், இந்திய அரசியலமைப்பின் 14,15 மற்றும் 21 வது பிரிவுகளை அடிப்படை உரிமைகள் யாரும் மீறமுடியாது என அலகாபாத் உயர்நீதிமன்றம் உத்தரவிட்டு உள்ளது. பெண்களுக்கு மதிப்பளிக்கவில்லை என்றால் சமூதாயத்தை நாகரீகமானவர்கள் என கூறமுடியாது.

உத்தரபிரதேச மாநிலம் வாரணாசியை சேர்ந்த சுமாலியா என்பவர் முத்தலாக் கூறி விவகாரத்து செய்த கணவர் ஜாமில்லுக்கு எதிராக வழக்கு தொடர்ந்து உள்ளார். வரதட்சணை கோரி சுமாலியாவை ஜாமில் கொடுமை செய்து உள்ளார். வரதட்சணை கொடுக்க முடியாது என சுமாலியா தரப்பில் தெரிவிக்கப்பட்டதும் அவரை ஜாமில் முத்தலாக் கூறி விவகாரத்து செய்துவிட்டார். தன்னை கொடுமை செய்த ஜாமில்லுக்கு எதிராக கிரிமினல் வழக்குப்பதிவு செய்யப்பட வேண்டும் என சுமாலியா போராடி வருகிறார். தனக்கு எதிராக கிரிமினல் வழக்கு முன்னெடுக்கப்படுவதற்கு எதிராக ஜாமில் தரப்பில் தாக்கல் செய்யப்பட்ட மனுவில் என்னுடைய மனைவிக்கு தலாக் கொடுத்துவிட்டேன், எனக்கு பத்வா கொடுக்கப்பட்டு உள்ளது என தெரிவிக்கப்பட்டது.

அதனை நிராகரித்த உயர்நீதிமன்றம் பத்வாவிற்கு சட்டப்பூர்வமான அந்தஸ்து கிடையாது, சட்டவிரோதமானதுஎன கூறிஉள்ளது.

வழக்கு விசாரணை கடந்த ஏப்ரல் மாதம் 19-ம் தேதி முடிந்தது. இன்று தீர்ப்பு வழங்கிய தனிநபர் பெஞ்ச் நீதிபதி கேசர்வானி, பாலின அடிப்படையில் யாரும் அடிப்படை உரிமைகளை மீற முடியாது மற்றும் வேறுபாடுகள், மனித உரிமைகள் மீறல் இருப்பதால் இஸ்லாமிய கணவர்கள் அவர்களுடைய மனைவிகளை விவகாரத்து செய்ய முடியாது என கூறிஉள்ளார். இஸ்லாமியர்களின் திருமணம் இருவரது சம்மதத்துடன் நடக்கிறது, அதனை கணவரால் மட்டும் முடிவுக்கு கொண்டுவர முடியாது எனவும் உயர்நீதிமன்றம் உத்தரவிட்டு உள்ளது.