பஞ்சாப் நேஷ்னல் வங்கி மோசடியில் சிக்கிய வைர வியாபாரி நிரவ் மோடி பிரதமர் மோடியுடன் தாவோஸ் நகரில் எடுத்துக் கொண்ட புகைப்படம் வெளியாகி உள்ளது. மோசடி தொடர்பாக காங்கிரஸ் மற்றும் பாரதீய ஜனதா இடையே மோதல் எழுந்து உள்ளது.

இந்நிலையில் மத்திய மந்திரி ரவிசங்கர் பிரசாத் பேசுகையில், தாவோஸ் உலக பொருளாதார கருத்தரங்கில் பிரதமர் மோடியுடைய குழுவில் நிரவ் மோடி கிடையாது. நிரவ் மோடி சிஐஐ [இந்திய தொழில்துறை கூட்டமைப்பு] குழுவில் இடம்பெற்று இருந்தார், என விளக்கம் அளித்து உள்ளார். நிரவ் மோடியின் பாஸ்போர்ட் ரத்து செய்யப்பட்டது. அவருக்கு எதிராக லுக் அவுட் நோட்டீஸ் விடுக்கப்பட்டு உள்ளது. அவருடைய ரூ.1,300 கோடி மதிப்பிலான சொத்துக்கள் பறிமுதல் செய்யப்பட்டு உள்ளது.