குஜராத் மாநிலம் சூரத் சர்வதேச விமான நிலையத்தில் கடந்த 7-ந்தேதி 3 பயணிகள், கழிவறையில் எதையோ மறைத்து வைக்க முயற்சிப்பதை சோதனை அதிகாரிகள் கண்டுபிடித்தனர். அப்போது பசை வடிவில் 48.2 கிலோ தங்கம் பிடிபட்டது. இதன் மதிப்பு ரூ.25 கோடியாகும். இது தொடர்பாக பயணிகள் 3 பேரும் கைது செய்யப்பட்டனர்.

இது குறித்து வழக்குப்பதிவு செய்து, வருவாய் புலனாய்வு இயக்குனரக அதிகாரிகள் விசாரணை நடத்தி வந்தனர். அப்போது இந்த தங்கம் கடத்தலில் உடந்தையாக செயல்பட்டதாக போலீஸ்காரர் ஒருவர் கைது செய்யப்பட்டார்.