நாடாளுமன்றத்தில் நிறைவேற்றப்பட்ட 3 வேளாண் மசோதாக்களுக்கும் ஜனாதிபதி ராம்நாத் கோவிந்த் நேற்று ஒப்புதல் அளித்தார். அத்துடன் காஷ்மீர் மாநிலத்தின் அலுவல் மொழிகளின் பட்டியலில் உருது, ஆங்கிலத்துடன் காஷ்மீரி, டோக்ரி, இந்தி ஆகியவற்றையும் சேர்க்க வகை செய்யும் மசோதாவுக்கும் அவர் ஒப்புதல் அளித்தார். இந்த மசோதாவும் சமீபத்தில் நாடாளுமன்றத்தில் நிறைவேற்றப்பட்டது.

இந்த நிலையில், சிரோமணி அகாலிதள தலைவர் சுக்பீர் சிங் பாதல் வெளியிட்டுள்ள அறிக்கையில், வேளாண் மசோதாக்களுக்கு ஜனாதிபதி ஒப்புதல் அளித்தது மிகவும் துரதிருஷ்டமானது என்றும், சோகமும், ஏமாற்றமும் அளிப்பதாகவும் கூறி உள்ளார்.